Մաքրում և աղբի հեռացում
2025թ․ Լոս Անջելեսի հրդեհներ
Անտառային հրդեհներից հետո մաքրումը և աղբի հեռացումը 2 փուլից բաղկացած գործընթաց է: Դա կարող է արվել լրիվ անվճար։
Երբ երկու փուլերն ավարտվեն, Ձեր անշարժ գույքը պատրաստ կլինի վերակառուցման։
Վտանգավոր թափոնների մաքրում
Փուլ 1-ում ԱՄՆ-ի EPA-ն մաքրել է ամենօրյա ապրանքները, որոնք գտնվում էին Ձեր տանը և կարող էին վտանգ ներկայացնել:
Այդ թվում՝
- Մարտկոցներ
- Մաքրող միջոցներ և լուծիչներ
- Պարարտանյութեր և թունաքիմիկատներ
- Ներկեր և յուղեր
- Պրոպանի բալոններ և ճնշման տակ գտնվող այլ ապրանքներ
Փուլ 1-ի մաքրումներն այժմ ավարտված են: Այն ավտոմատ կերպով տրամադրվում էր բոլոր բնակելի շինությունների համար։
Այս մաքրումների համար որևէ վճարների կարիք չկա։
Մաքրման կարգավիճակների բացատրություն
EPA-ի կողմից Ձեր անշարժ գույքի գնահատականից հետո, վերջինիս տրվել է կարգավիճակ:
Համապատասխան կարգավիճակի մասին ցուցանակը փակցվել է Ձեր անշարժ գույքի տարածքում։
Դուք կարող եք նաև ստուգել այս EPA քարտեզը Ձեր անշարժ գույքի մաքրման կարգավիճակը ստուգելու համար:
Փուլ 1-ը ավարտված է
Այս կարգավիճակը նշանակում է, որ EPA-ն ավարտել է մաքրման աշխատանքները:
Բայց հնարավոր է, որ Ձեր անշարժ գույքը դեռ լիարժեք անվտանգ չլինել։ Այնտեղ կարող են դեռ լինել՝
- Վտանգավոր թափոններ, որոնք թաղված են
- Առողջության համար վտանգավոր նյութեր, ինչպիսիք են մոխիրը և ասբեստը
Հետաձգված է մինչև Փուլ 2-ը
Այս կարգավիճակը նշանակում է, որ EPA-ն չի կարող անվտանգ մաքրել Ձեր անշարժ գույքը, քանի դեռ աղբը չի հեռացվել:
Այն կմաքրվի Փուլ 2-ում:
Աղբի հեռացում
Փուլ 2-ում անվճար աղբահանության համար գրանցվելու դեպքում՝ ԱՄՆ-ի Ինժեներների բանակային կորպուսը (U.S. Army Corps of Engineers, USACE) հեռացնում է կառուցվածքային բեկորները:
Այդ թվում՝
- Վնասված հիմքեր
- Ոչնչացված փոխադրամիջոցներ
- Վտանգ ներկայացնող ծառեր
- Վտանգավոր նյութերով աղտոտված հող
- Ասբեստ
- Մոխիր
Կարդացեք , թե ինչ է սպասվում Փուլ 2-ում:
Տեսեք այս աշխատանքի առաջընթացը USACE-ի աղբի հեռացման քարտեզում:
Որտեղ է տեղափոխվում աղբը
Աշխատողներն աղբը կհեռացնեն այնպես, որ պաշտպանեն բնակչության առողջությունն ու շրջակա միջավայրը:
Իմացեք ավելին՝ CalEPA-ի Անտառային հրդեհի բեկորները աղբավայրերում կայքում:
Անվճար հեռացման վերջնաժամկետը ապրիլի 15-ն էր։
Աղբի հեռացման տարբերակի ընտրության վերջնաժամկետը 2025 թվականի ապրիլի 15-ն էր։ Տարբերակները հետևյալն էին․
Եթե Դուք գրանցվել եք
Այս ծառայության համար հավելյալ ծախսեր չկան: Եթե Դուք ունեք ապահովագրություն, հաշիվ-ապրանքագիրը կուղարկվի Ձեր ապահովագրողին:
Աղբի անվճար հեռացման ժամանակ USACE-ը կհեռացնի վտանգ ներկայացնող ծառերը: Բայց Դուք կարող եք խնդրել նրանց չհանել որոշակի ծառեր:
- Հրաժարման գործընթացի մասին
- Ծառի նշանների բացատրություն
- Հրաժարման ձևաթուղթ (PDF)
Եթե Դուք հրաժարվել եք
Դուք ստիպված կլինեք ինքնուրույն կազմակերպել և վճարել բեկորների հեռացման համար։
Դուք պետք է․
- Վարձել լիցենզավորված, մասնագիտացված կապալառու
- Ստանալ հաստատում և թույլտվություն Լոս Անջելես վարչաշրջանի կողմից
- Վարձել հավաստագրված խորհրդատու՝ ստուգելու Ձեր անշարժ գույքի տարածքում ասբեստի առկայությունը
- Համոզվել, որ Ձեր կապալառուն հետևում է բեկորների անվտանգ հեռացման կառավարության բոլոր կանոններին
Իմացեք ավելին հրաժարման գործընթացի և հետագա քայլերի մասին։
Եթե բաց եք թողել վերջնաժամկետը
Եթե բաց եք թողել համաձայնվելու կամ հրաժարվելու վերջնաժամկետը, Լոս Անջելեսի շրջանը միևնույն է կհեռացնի աղբը Ձեր գույքի տարածքում: Բայց Դուք պետք է վճարեք հեռացման ամբողջական ծախսերը:
Եթե փոխարենը ցանկանում եք ինքնուրույն կազմակերպել աղբի հեռացումը, կարող եք փորձել վերջնաժամկետից հետո ներկայացնել հրաժարման ձևաթուղթը Լոս Անջելեսի շրջանին: Սակայն վերջնաժամկետից հետո նրանք գուցե չընդունեն հրաժարման ձևաթղթերը։
Եթե հարցեր ունեք այն մասին, թե ինչ է տեղի ունենում, եթե վերջնաժամկետը բաց եք թողել, զանգահարեք Լոս Անջելեսի շրջանի համայնքային ծառայության աղբահանության թեժ գիծ՝ 844-347-3332 (TTY՝ 711):
Եթե օգնության կարիք ունեք
Հարցեր Փուլ 1-ի մաքրման վերաբերյալ
Զանգահարեք Շրջակա միջավայրի պահպանության գործակալությանը (Environmental Protection Agency, EPA)833-798-7372 հեռախոսահամարով (TTY՝ 711)
Հարցեր Փուլ 2-ի՝ բեկորների հեռացման վերաբերյալ
- Զանգահարեք Լոս Անջելես վաչաշրջանի Հանրային աշխատանքների աղբի հեռացման թեժ գիծ՝ 844-347-3332 հեռախոսահամարով (TTY: 711)
- Էլ. նամակ ուղարկեք՝ [email protected] հասցեին կամ [email protected] հասցեին